返回網站

英文學校學生點樣備戰內地聯考?-升學全面睇

· 升學全面睇

  近年來,英文學校嘅同學返內地讀大學嘅比例急劇上升,箇中原因肯定係因為國家教育部優惠政策,致使澳門同學返內地讀書越來越容易。然而,若果保送唔到,要考內地聯考或中山獨招嘅話,英文學校嘅要點備戰?

 講堅,最多同學搞唔掂嘅,肯定係所謂英文數學同中文數學所謂分別。呢個時候,我真心想講:其實都係數學!但礙於中文學校同英文學校數科涉及嘅範圍、概念、術語等等嘅唔同,令到一開始操數嘅同學仔會無所適從。

  呢個時候,你可能要考慮買以下呢本textbook(暨南大學、華僑大學聯合招收港澳地區、臺灣省、華僑、華人及其他外籍學生入學考試複習叢書(2016-2020):數學去刨一刨,因為佢基本覆蓋了港澳台聯考的範圍,可以由淺入深令你快速知道究竟中文數涉及乜嘢,以及各項數學術語。可以話係一本好好嘅掃盲書。

  當然啦,若果其他嘅理科,例如物理、化學嘅話,同學們都可以考慮買書自己睇,但可能自學難度上會更高。

  好啦,咁睇完書嘅話,係咪代表到考試就會順利?呢個時候你就要考慮操卷啦,搵到合適難度嘅試題再加以操練,係相當重要。建議大家可以參考過往內地聯考試題、中山獨招試題,然後再逐條題探索,備戰上一定更加得心應手。

所有文章
×

快要完成了!

我們剛剛發給你了一封電郵。 請點擊電郵中的鏈接確認你的訂閱。

好的