摩天輪轉呀轉，升學機會擺係面前如何把握？

內地保送仍未能保證100%啱心水，認真玩、識玩既都會報考內地聯考試，留個後路選擇。「中國普通高等學校聯合招收澳門保送生」又好，「中國普通高等學校聯合招收華僑、港澳台地區學生考試(澳門區)」又好，你唔熟內地高校的招生辦的取向，依然係心掛掛......

每年1月左右，內地高校招生辦人員都會派人黎澳門招生，亦即係平時講既「內地聯展」，事因內地聯考之前的保送預演，就係睇呢一場內地高校聯展。其實，更多人唔知既係，一般情況下內地高校代表會係內地聯展之前，就黎澳門拜訪機構單位，預先協調統籌好每年的招生或內地聯考的工作。所以話，最新的消息以及保送名額、聯考時間、內地聯考難度等等，相信較早期就討論不斷。

除非係研究過往10年、甚至20年試題的發展，包括佔分比例、題型比例、收生趨勢等，否則做咩「預計」、「貼題」都係得個估字。老實講，同幾位負責教內地聯考導師定期開會時，都發現佢地招生同出題，其實係有一定套路（當你好似我哋咁做過咁多年題目就明），有策略地準備先會事半功倍。內地聯考難題不算高，但涉及的範圍較廣，掌握解題技巧、做題時間等，先係皇道。

所以唔好怪我哋嚴謹，平時上堂都會叫學生「呢條題比2分鐘」、「用30秒讀好條題」、「大題有幾小問第一問唔錯得」等等，係好充實架，放心亦唔會太悶，因為幾條友夾住你，一題多解、一解又有故仔講，包你精神，好過你自己刷題一秒瞓着。

講咁多，唔知你哋有咩睇法，可以Facebook inbox我哋m.me/266770713947818

歡迎大家隨時「組隊挑機、立里程碑、升學Get A！」