返回網站

內地聯考|點樣先可以成功保送?CN02

  澳門高中生一向升學選擇比較多元,返內地、留澳門、去台灣、過香港、出外國,呢啲都係潛在選項。以前,紅底學校多數返內地,教會學校偏向去香港或出國,但而家顯然個形勢唔同晒,大隊都係返內地讀書,因為近年來教育部比澳門特區嘅保送名額,可以用「井噴式」增長嚟形容。因此,返去內地名牌大學書,再不是夢啦,當然前提係你個底要靚,個profile要得…

· 升學全面睇

上篇文講到,去內地一流學府讀書有好多途徑,包括參加保送、聯考、中大獨招、兩校聯招四校成績申請等等。芸芸咁多種途徑,最方便就一定係保送,下文就講講點樣可以令你保送籌碼更足。
  澳門高中生一向升學選擇比較多元,返內地留澳門去台灣、過香港、出外國,呢啲都係潛在選項。以前,紅底學校多數返內地,教會學校偏向去香港或出國,但而家顯然個形勢唔同晒,大隊都係返內地讀書,因為近年來教育部比澳門特區嘅保送名額,可以用「井噴式」增長嚟形容。因此,返去內地名牌大學書,再不是夢啦,當然前提係你個底要靚,個profile要得…
  我哋統計咗呢10幾年來,每年保送生數目(不包括暨大、華大)及佔當年高三學生比例,節節上升。十幾年前,只有大概3至4%嘅高三學生可以直接保送返大陸,上年個比例竟然去到18%,真係有啲誇張!

  廢話就唔多講,點樣可以保送到北大清華,或人大北師復旦交大?流程上,每間學校可能早至高二下學期已經問大家保送意願,一般係高三開學就進行海選,敲定推薦名單,之後學生就提交材料,參加保送面試或筆試,最後順利攞到offer。
  因此,保送成功與否,第一部亦係最重要嘅,係學校肯推薦你,俗啲講,係肯sell你出去,肯為你背書(endorsement而唔係背誦書本啊朋友),而學校肯推薦你肯定你係一個好學生…因此,你學業成績一定要夠炮,年級名列前茅唔洗講,唔可以太過偏科;而且,你要有一定課外活動經歷,奧數、合唱、義工、舞蹈、學生會等等都係好嘅加分條件;再者,有部份學校可能為咗提昇保送成功率,對推薦名額有限制,呢度唔同學校做法唔同就唔多講。上述都係一啲比較重要的先決條件。
  去到保送當天,一般都係面試或再加筆試,視乎學校慣例。面試同筆試你都要展現自己最好嘅一面,做多啲mock interview 有幫助架;若果要筆試嘅話,好多學生都係衰係數學呢一科,得閒操多啲數啦。

  近年嚟,保送名單都幾乎係第二日就出,攞到offer固然開心,衰咗嘅仲有二次保送(即係你可以當場再揀間學校參加保送面試)。
  講咗咁多,我相信大家都對於保送有個比較籠統嘅認知啦,希望可以幫到大家。唔知道大家想了解內地讀書嘅邊個方面呢?有啲咩題材想睇嘅話,可以同我哋講。

報名及查詢:
電話/Whatsapp/ 微信 : 6209 7367

更多升學課程:https://www.getamacau.com/lecture

所有文章
×

快要完成了!

我們剛剛發給你了一封電郵。 請點擊電郵中的鏈接確認你的訂閱。

好的