返回網站

【中山大學】|澳門學生點樣考入中山大學?CN03-升學全面睇

· 升學全面睇
中山大學入學考試,中山大學,中山大學入學試,中山獨招,內地聯考補習

  而家個個都講粵港澳大灣區,留喺灣區讀書有幾咁美妙,不過坦白講,若果唔想留澳門,過香港又唔夠班,咁喺灣區讀書,排名最高就一定係中山大學。

  然而,點樣先可以去到中大(下文都係講緊廣州中山大學,而唔係香港中文大學)讀書?有幾條路比你揀,我以下就簡單介紹一下:

  1. 保送:中大保送要考筆試,2019年全澳共收咗68人。
  2. 中大獨招:由澳門中華教育會舉辦的考試,每年通常3月至4月考,2018年收咗81人。
  3. 四校聯考:今年經四校聯考都可以報中大,但係每科都要950分以上,名額5人。
  4. 港澳台聯考:五科滿分750,中大分數線一般都要500分以上。

上面四種途徑,大部份澳門學生都係透過頭兩種入中大,後面兩種真係相對困難。而亦都得罪講句,你保送同獨招都考唔到,咁你不如疊埋心水去考其他學校仲好啦。

  若果想大概了解保送流程嘅話,可以睇返我上一篇文章

  咁究竟中大獨招係點考?中山大學入學考試分中英數三科,共計三小時,考完之後兩星期左右網上有結果。每年平均都係二百至四百人左右報名,收生名額由六十至一百人不等,屈指一算,其實錄取率真心唔高,大概係1/4至1/3左右。

  中英數三科入面,最有挑戰就應該係數科。數科真係咩都考,有啲題甚至比內地聯考更加刁鑽,簡單講就係一小時,要做大概15-20條填充/選擇,加上3-4題大題。

話時話,雖然係咁,上年我哋有7個學生報考中大獨招,最尾有6個考到,而且都係讀醫(好多同學仔都係想去中大讀醫)。

  新一年,又係高三學生備戰嘅黃金時機啦。若果你想跟我哋一齊操數,可以睇吓將近開班的內地聯考數學班啱唔啱你。最近梗係祝你考到想去嘅大學啦。好,我哋下次再傾。

唔知你哋有咩睇法,可以Facebook inbox我哋

歡迎大家隨時「組隊挑機、立里程碑、升學Get A!」

澳門中大入學試,中山大學入學考試,中山大學,中山大學入學試,中山獨招,內地聯考補習, 澳門中山大學入學考試
所有文章
×

快要完成了!

我們剛剛發給你了一封電郵。 請點擊電郵中的鏈接確認你的訂閱。

好的