講起四校聯考，現在考試難度同以前澳大考卷係比較貼近，但係相比之下，而家英文係簡淺咗，數學係難咗。聽到呢個地步，有人就會講：「咁樣唔洗出去報班都得啦！」你就錯了，因為現在有個趨勢是，中學會動員已經去外地就學嘅學生，強制性去考四校聯考，務求要谷高總體分數和入學率，所以少年不要太天真呵呵…

澳門四校聯考雖然難度上，同鄰近地區的入學試有距離，但要想真正攞高分，其實一啲都唔容易：中文方面，老實講你平時唔打好個底，考試都唔慌高分；英文主要考詞滙運用、文章改錯、串聯句子、閱讀理解、命題作文，雖然難度無以前澳大咁刁鑽，但係一定唔會係特別容易，傳統紅底學生依然係會有壓力；數學就比起以往澳大數之餘，提升了一個層次，比如數學歸納法、證明題題型重新出現；當然，仲有葡文考試，我哋都係有研究的，可能葡文就係最無變化的一科…

回到主題，點解淺水都會浸死人？咁就要講返四校聯考嘅分數制度，就係大家掛在口中的拉CURVE，亦即係標準化分數。比如一份簡單的數學卷，你好有信心做啱唔少，但點知有一大班友考得高分過你，咁你最後出到嚟嘅分數都唔會太理想。大部份中學都會派頂級學生（係，佢哋都已經有書讀，但仲出嚟同你爭！）參加呢個考試，因此，你卷面唔見1-2分，可能你出到嚟總分就低咗唔止10倍嘅分數…

另外，大家應該都睇到一個好振奮嘅消息，復旦大學、浙江大學、中山大學等高校開始承認四校聯考，同學可以透過最後嘅分校報考呢啲國內名校。係，你無睇錯！但係留意返啲T&C，每間只收五個，仲要中英數都要攞到950分先有機會報讀。係，你無睇錯，係950分啊！一科考到950你已經好神，而家仲要三科（每科滿分1000分），因此你應該又會估到，一定又有成班尖子生出嚟同你鬥了….

好了，今次就分享到呢度。之後我會再出文，下次出文題目會係「四校聯考—點樣可以攞高分？」。大家若果鐘意我呢篇文，加我哋微信/FB/IG比個like啦，謝！完！

唔知你哋有咩睇法，可以Facebook inbox我哋m.me/266770713947818

歡迎大家隨時「組隊挑機、立里程碑、升學Get A！」