各位親愛的讀者，最近因為比較多堂上，無乜時間出文，因此唔好意思久等了。上篇我哋簡單介紹咗四校聯考的概況，今篇文就要同大家講講點樣喺英文科攞到高分，讀到心儀嘅大學科系。

　　幾年前，未有四校聯考時，澳大英文試基本上只係英文中學出嚟嘅同學可以駕馭到，對傳統中文學校學生係極大挑戰；時轉星移，現時英文科雖然簡單咗，但係必要嘅策略都依然好重要：

　　語言運用（40分）：詞滙和文法方面，呢部份主要考生活及工作中的語言使用，相對比較簡單，無失分空間；文章改錯方面，其實亦係文法為主；

　　閱讀理解（30分）：好嘅策略係，用1-2分鐘快讀文章，對文章內容和框架有大概的認知，繼後再用5分鐘時間深入理文章，最後再對各個選項採用快速定位法，在文章中找出答案；

　　寫作（30分）：議論文（Argumentative Writing）係必出題目，基本上都係嚴格依循引言、論點（三正or兩正一負）、結尾的結構，寫出一篇200字以上的文章。

　　正常備戰的話，語言運用嗰40分會好易袋，閱讀理解的話都還好，失分空間比較大的可能是寫作。因此，其實卷面分數攞80分以上，對大部份學生都唔會係一件遙不可及的事，當然前提係要經過不斷操練及方法用對啦。

　　而家離四校聯考可能仲剩不到三個月時間，可以點提高？第一，短間內梳理各項文法知識點（相當重要）；第二，盡可能提高單詞量（重要，但相對困難），因為單詞量多寡會直接影響閱讀速度，以及寫作質量；第三，多做難度適中的閱讀理解（重要）；第四，多睇範文，盡量考前可以就各類型題目（不限於社會時事、經濟、哲學）等，寫三篇或以上，並交由導師評議（重要）。

　　好啦，今次就講到呢度，下次我會同大家講講點樣備戰四校聯考數學科。